Elkargunea itxita egongo da etzitik hilaren 24ra bitartean. Urtero moduan, abuztuko bi aste baliatuko dituzte aurten ere instalazio guztiak garbitzeko eta horietan mantenu lanak egiteko. Horregatik, guztiz itxiko dute Elkargunea erabiltzaileentzat.
Abuztuaren 25ean, astelehenez, irekiko dituzte berriro Elkarguneko ateak, ohiko ordutegiarekin: astelehenetik ostiralera 07:00etatik 21:00etara; larunbatetan 09:00etatik 20:00etara; eta igandeetan zein jaiegunetan, 09:00etatik 14:00etara.