Azkoitiko Udalak bihar, asteazkenez, zabalduko du andremarietako Kuadrillen Egunean egiten duten herri bazkarirako izen-ematea. Herritarrek Kultura sailera joanda edo hango 943-85 71 70 telefono zenbakira deituta eman dezakete izena, abuztuaren 5era bitartean. Honako ordutegia du bulegoak: astelehenetik ostiralera, 08:00etatik 14:00etara bitartean.
Festetako hitzordu nagusienetako bat izan ohi da abuztuaren 18an egiten duten herri bazkaria: 1.400 lagun inguru elkartzen ditu egitasmoak.