Espainiako Auzitegi Gorenak EAEko Udal Legearen dekretutik baliogabetutako artikulu gehienak atzera bota ondoren, VOXen helegitea berretsita, UEMAk epaia salatzeko eta euskararentzat justizia eskatzeko deia egin zuen herenegun, udalerri euskaldunetan gaur eguerdirako elkarretaratzeak deituta. Euskal Herriko ehundik gora herritan egin dira protestak, baita Azkoitian ere. Euskarak justizia behar du eta Justizia, lege-babesa eta arnasa euskararentzat leloa zuten bi pankartaren atzean bildu dira azkoitiarrak euskararen kontrako erasoen aurka egiteko.
Elkarretaratzera batu diren herritarrekin batera, Azkoitiko Udalak eta Maxixatzen euskaldunon elkarteak ere bat egin dute UEMAren gaurko deialdiarekin.