Azkoitiko Gurutze Gorriak atzeratu egin du desfibriladorea erabiltzen ikasteko biharko antolatutako ikastaroa. Hasiera batean, 09:00etan ziren hastekoak ikastaroa Azkoitiko Elkargunean, 13:00etara arte. Arratsaldean, berriz, 15:00etatik 19:00etara zen saioa. Dena den, Gurutze Gorriak jakinarazi du saioa atzeratzea erabaki dutela.
Ikastaroan parte hartu nahi zutenek 70 euro ordaindu behar zuten, eta azkoitia.heziketa@cruzroja.es helbide elektronikora idatzi. Biharkoa bertan behera utzita, erakundeak aurrerago jakinaraziko du data berria.