Rojo Telon zirku konpainiak Transir ikuskizuna eskaini zuen atzo arratsaldean Azkoitian. Eguraldiaren iragarpenaren ondorioz, Berdura Plazan taularatu zuten lana, eta han dozenaka haur zein heldu elkartu ziren ikuskizunaz gozatzera.
Akrobaziak eta zuzeneko musikak bat egindako ikuskizuna eskaini zuten artistek, eta tarte atsegina igaro zuten han bildutakoek.