Helduen Eskola den Urola Kosta HHIko datorren ikasturterako matrikulazio epea gaurtik hilaren 26ra bitartean egongo da irekita. 2025-2026 ikasturtean alfabetatzea, DBHko titulua, gaztelania, euskara eta ingelesa ikastaroak eskainiko dituzte.
Ikastaroetarako matrikula egiteko edota informazioa lortzeko eskolaren bulegora jo daiteke (Bizenta Mogel 4); aste honetan, astelehenetik ostegunera, 15:00etatik 20:00etara bitartean izango dute egoitza zabalik, eta hilaren 23tik 26ra, 10:00etatik 13:00etara. Matrikulazio epea azken egun horretan amaituko da.