Plaza Ondo jubilatuen elkarteak antolatuta, herriko jubilatuek Bermeo, Murueta eta Gernika (Bizkaia) herriak bisitatu zituen atzo, osteguna. Hain justu, gaur ireki du Plaza Ondok hurrengo irteera horretan parte hartu ahal izateko izen emate epea, eta jakinarazi du zabalik egongo dela autobusek plazak bete bitartean.
Guztira, 70 lagun baino gehiagok parte hartu zuten atzoko irteeran, eta goizean goizetik, ez zuten umorerik falta izan. 08:30ean abiatu ziren autobusez Aizkibel liburutegiaren alboko geralekutik. Aurrena, Bermeo bisitatu zuten; ondoren, Murueta ezagutu zuten; eta azkenik, Gernika bisitatzeko aukera izan zuten herritarrek.