Satse, ELA, LAB, SME, CCOO, UGT, ESK eta USA sindikatuek deituta, Osakidetzako zuzendaritzaren kudeaketa salatzeko elkarretaratzeak egin dituzte gaur goizean eta eguerdian Araba, Bizkai eta Gipuzkoako hainbat ospitale eta osasun etxetan.
11:00etan ospitale atarietan eta 13:00etan herrietako osasun etxeen atarietan deituta zituzten elkarretaratzeak sindikatuek, eta Azkoitiko anbulatorioan ere bat egin dute protestarekin. Osasun etxeko langilek elkartu dira 13:00etan anbulatorioaren atarian, eta herritarren bat ere batu zaie, osasun sare publikoan giza baliabideen arloan bizi duten egoera salatzeko sindikatuek egindako deialdiari babesa emateko.