Trafiko istripua gertatu da Azkoitian, GI-2634 errepidean, Azkarateko noranzkoan. Ertzaintzak hedabide honi jakinarazi dionez, 14:25 zirenean izan da ezbeharra, hiru auto eta kamioi baten artean. Iturri horren arabera, hainbat pertsona zauritu dira, eta gutxienez hiru lagun Mendaroko ospitalera eraman dituzte; zaurituetako bat ibilgailuan harrapatuta geratu da, eta suhiltzaileek atera behar izan dute.
Istripuaren ondorioz, errepidea itxita egon da bi noranzkoetan, eta auto ilarak sortu dira. 16:45ean errei bat zabaldu dute, eta ordutik pasoa txandaka ari dira ematen.