Datorren ostiralean, ekainak 6, Azkoitiko Parrokiak hitzaldia antolatu du Mendekoste eguna ospatzeko. Boluntariotza gizartean eta laikoen egitekoa Elizan izeneko hitzaldia eskainiko dute Miren Gurrutxagak eta Luzia Alberrok Elkarguneko Zeharkako gelan, 19:00etan. Alberro parrokiako boluntariotzaz arituko da batez ere, eta Gurrutxaga, boluntariotzaz, oro har.
Hitzordua irekia den arren, Azkoitiko Parrokiak, bereziki, pastoralgileak eta bestelako boluntarioak deitu ditu hitzaldira. Gainera, hitzaldiaren ondoren, Orbela tabernan mokadutxoa egiteko aukera eskainiko du. Hori horrela, ostiralean otoitz isilik ez dela egongo jakinarazi du parrokiako taldeak.