Floreaga Ikastetxeak VII. Kantu Jira egingo du bihar, asteazkena. 18:30ean hasita, ikastetxeko ordezkaritza zabal bat aterako da kaleak kantuz eta musikaz girotzera. Hain justu, gurasoak, guraso ohiak eta ikaslek soinu eta pandero jotzaileekin elkartuko dira.
Azken urteetan bezala, bihar ere Alde Zaharreko kaleetan barrena ibiliko dira euskal kanta zaharrak eta egungoak abestuz. Nahiz eta ikastetxeak antolatutako ekintza bat izan, herritar orok izango du kantu jiran parte hartzeko aukera.