Plaza Ondo jubilatuen elkarteak Bizkaiko Bermeo, Murueta eta Gernika herriak bisitatuko ditu ekainaren 12an, ostegunez. Hain justu, gaur ireki du Plaza Ondok hurrengo irteera horretan parte hartu ahal izateko izen emate epea, eta jakinarazi du zabalik egongo dela autobusek plazak bete bitartean.
Izena emateko, Plaza Ondoren Kultur Etxeko egoitzara joan beharko dute herritarrek; NA eman beharko dute hara, elkartekoek izena ematen duenaren datuak behar bezala hartzeko. Irteeran parte hartu ahal izateko, 42 euro ordaindu beharko dute guztiek, izan bazkide edo ez.
Irteeraren egunean, parte hartzaileak 08:30ean abiatuko dira autobusez Aizkibel liburutegiaren alboko geralekutik, eta iluntzean etxeratuko dira.