Azkoitiko Oteiza pilota elkartea Esku Pilotako Kluben Ligako finalerdietara sailkatu zen atzo, igandea, Hernanin irabazita. Oteizakoek Hernaniko udal pilotalekuan jokatu zuten goizean, eta 1-2 irabazita, finalaren atariko kanporaketa jokatzeko sailkatu dira.
Kadeteetan Etxaniz-Segurolak 3-10 eta 7-10 emaitzekin menderatu zituzten Makatzaga eta Zugasti. Gazteetan, Arregik eta Bastidak osatutako bikoteak 10-8 eta 10-4 galdu zuten Oses-Azpeitia bikotearen kontra. Nagusietan, azkenik, Oteizak eta Juaristik 10-5 eta 10-4 menderatu zituzten Hernaniko Apaolazaeta Lizeaga.
Atzo garaipena eskuratuta, ekainaren 15ean Tolosako (Gipuzkoa) Beotibar pilotalekuan jokatuko den finalerdietara sailkatu da Oteiza elkartea. 16:30ean hasita jokatuko dituzte kanporaketa horretako hiru partidak, Lazkaoko LAPKE elkartearen edo Markinaren aurka; izan ere, bi talde horiek datorren asteburuan jokatuko dute final laurdenetako kanporaketa.