Azpeitia eta Azkoitia artean, Loiolan, GI-631 errepidean, bi autoren arteko istripua gertatu da 17:30 aldera. Ondorioz, auto ilara luzeak sortu dira bi norabideetan.
Loiolako Forum dendaren aurreko bidegurutzearen parean izan da istripua, eta bi lagun zauritu dira, Ertzaintzak Gukari azaldu dioenez; istripuan zauritutakoak Zumarragako ospitalera eraman dituzte. Udaltzainak, ertzainak, anbulantziak eta suhiltzaileak bertaratu dira istripuaren lekura.
19:10erako erretiratu dituzte errepidetik ezbeharra izandako autoak, bidea garbitu dute eta trafikoa arindu da bi noranzkoetan.