Anaitasuna mendi bazkunak antolatuta, Pirinioetan izan dira zenbait lagun. Joan zen hilean egitekoa ziren mendi irteera eguraldiaren ondorioz utzi zuten bertan behera, eta, azkenean, igaro berri den asteburuan egin dute.
Zapatuan, Castillo de Acher (2.364 metro) mendira igo ziren 13 kilometro eginez, eta atzo, igandea, 14 kilometroko beste ibilaldi bat egin zuten Agüerri (2.249 metro) tontorrera. Egun batetik besterako gaua, berriz, Gabardito aterpetxean igaro zuten mendizaleek. Guztira, hamalau lagunek parte hartu dute azken irteeran.