Xabier Larrañaga arraunlari azkoitiarrak gazte mailako Euskadiko Trainerilla Txapelketa irabazi zuen atzo, igandea, Ondarroan (Bizkaia). Zumaiako Telmo Deun taldeak utzita aritu zen atzo arraunlari azkoitiarra Ondarroarekin, eta beraz, etxeko taldearekin eta etxekoen uretan irabazi zuen Larrañagak.
14.43.50 denbora egin zuen Ondarroak, eta bigarren sailkatu zen Zierbena ia hemezortzi segundora sartu zen –15.01.44–. Hirugarren trainerilla, berriz, San Juan izan zen, 15.02.19 denbora eginda. Euskadiko Txapelketa irabazi dutenez, Larrañagak Espainiako Txapelketa jokatuko du datorren asteburuan, Galizian.