Ranking Mistoa txapelketako finalek hartu zituzten Txerloiko Garbiñe Muguruza tenis pistak atzo goizean, eta Txerloia tenis klubaren eskutik, lau norgehiagoka izan ziren han. A kuadroan, Jon Orbegozo nagusitu zitzaion Manex Rezabali; B kuadroan, Ekain Azkuek irabazi zuen Igor Zubizarretaren aurka; C kuadroan, berriz, Eneko Etxaniz eta Sergio Urriza aritu ziren nor baino nor, eta azkenean Etxaniz izan zen garaile; eta D kuadroan, azkenik, Xuban Quintana izan zen Maialen Agirreren irabazle.
Modu horretara, klubak denboraldiko sailkapenari amaiera eman zion atzo.