Azkoitiko Latz Taberna taldeak Zarauzko 80. Hondartzako Futbol Txapelketaren kopan garaipena eskuratu du. Gaur goizean jokatu dira azken jardunaldiko partidak, eta giro ederrean aritu dira azkoitiarrak, etxekoen animoak bultzatuta.
Lehia estua izan dute Kosta Hortz Klinikaren aurka. Launa berdindu dute partidan horien aurka, eta penaltietan erabaki da irabazlearen izena. Azkoitiarrek bainua hartuta eta bandera horiak astintzen ospatu dute garaipena.