Azkoitiko Musika Bandak bere eguna ospatuko du etzi, zapatua, eta hori aitzakia hartuta, kalera aterako dira. 12:15etik bazkalordura bitartean, kalerik kale ibiliko dira kalejiran. Dena den, herriko zenbait auzunetako plazetan ere egingo dituzte geldialdiak, eta adierazi dutenez, geldialdi horietan pare bat abesti joko dituzte.
Iaz, kontzertua eskaini zuten beraien egunean, baina aurten herrian zehar mugimenduan ibiltzea erabaki dute. Kaleko eginkizunak amaitutakoan, taldeko bazkaria eginez borobilduko dute eguna.