Ibai-Ondo Backyard izeneko proba jokatu dute asteburuan lehen aldiz, Usurbilgo (Gipuzkoa) Santuenea auzoan. Formatu berezian egin dute kirol proba: larunbatean 08:00etan abiatuta, 6,7 kilometroko ibilbidea osatu behar izan dute partaideek 60 minutuko denboran; bakoitzak ahal adina aldiz gauzatu du ibilbidea, eta hari itzuli gehien eman dizkiona izan da irabazlea. Erronka berrian, ez dute neurtu lasterkariek ibilbidea zenbat denboran egin duten; baizik eta egin beharrekoa izan da 60 minutu baino lehen orduero aipatu ibilbidea osatzea. Itzuli gehien emandakoak irabazi du. Kasu honetan, Imanol Aleson azkoitiarra izan da nagusi, ibilbideari 41 itzuli eginda. Azken itzulia bakar-bakarrik egin du.
Alesonek gaur goizaldean amaitu du Ibai-Ondo Backyard erronka, 40 orduz orduero 6,7 kilometroko ibilbidea osatu ostean. 6,7 kilometro 41 aldiz gauzatu ostean, guztira ia 275 kilometro egin ditu asteburuan. Igon Mancisidor Zumaiako bizilaguna izan da proban bigarrena; hark 40 itzuli egin dizkio ibilbideari.
(Argazkiak: Ibon Errazu)