Bihar, asteazkena, hasiko dira Pilotari Egunaren antolatzaile den Txulue elkartearen pilota txapelketak Kontzejupean. Hain justu, bi eta erdiko gizonen txapelketarekin abiatuko dute aurtengo lehia, eta pilotazaleek bihar, etzi eta ostirala bitartean bi koadro eta erdiko hamalau pilota partida ikusteko aukera izango dute, 18:00etatik aurrera.
Dena den, gizonen bi eta erdikoaz gain, gizon-emakumeen binakako txapelketak ere antolatu ditu Txuluek. Emakumeen txapelketarako hiru bikotek eman dute izena, eta 32 bikote ariko dira nor baino nor gehiago gizonen txapelketan. Hala eta guztiz ere, binakako txapelketako zozketak ez ditu egin oraindik Txuluek. Datozen asteetan ekingo diote modalitate horri ere.
Honako hauek izango dira bi eta erdiko txapelketaren aste honetako partidak:
- Apirilaren 2a, asteazkena, 18:00etan:
- Joanes Larrañaga-Julen Aramburu
- A. Uranga-Joritz
- Txitxo-Unai Usabiaga
- Ioannes Garate-Unai Azpiazu
- Apirilaren 3an, osteguna, 18:00etan:
- Tomao-Alex
- Joanes Garmendia-Mujika Lander
- Kaxka-Lizertza
- Beñat Arrieta-Lur Goenaga
- Xomorro-Kuku
- Apirilaren 4an, ostirala, 18:00etan:
- Gorka Z.-Markel
- Aramburu-Iraitz
- Juin-Zabale
- Txorrotxa-Errasti
- Epelde-Sudupe