Elkarguneak gimnastika erritmikoko Gipuzkoako banakako txapelketa hartuko du etzi, zapatua. Haurren, juniorren, seniorren eta kadeteen nahiz gazteen lehen mailako txapelketak jokatuko dituzte zapatuan, gune horretako kantxa nagusian.
10:00etatik 14:30era bitartean arituko dira Gipuzkoako hainbat klubetako ordezkariak beraien ariketak aurkezten. Hain zuzen, Tolosa, Donostia, Izar-Leku, Ipurua eta Belabieta klubetako gimnastek parte hartuko dute txapelketan.