UZ Trail lasterketaren hiru proba jokatu dituzte gaur goizean Urretxu eta Zumarraga (Gipuzkoa) artean, eta lasterketa nagusian, 23 kilometrokoan, Oier Elorza azkoitiarra izan da garaile. Korrikalariak 2.10.11 denbora behar izan du ibilbidea osatzeko, eta hark beste azkoitiar batekin osatu du podiuma; izan ere, Julen Aramendi hirugarren sailkatu da (2.13.58), Beñat Ibañezen atzetik.
Emakumeetan, Ainara Uribarri oñatiarra nagusitu da, eta hark bigarren sailkatu den Sarah Ugarterekin eta hirugarren egin duen Ainhoa Intxaustirekin osatu du podiuma.