Azkoitiko Udalak eta Osakidetzak lurrera erortzea saihesteko ikastaroa antolatu dute apirilaren 2rako. 60 urtetik gorako herritarrek bi ordu eta erdiko saioa egingo dute asteazken horretan, Elkarguneko Oteiza aretoan. Hain justu, 10:00etatik 12:30era bitartean egingo dute ikastaroa.
Dena den, saioan parte hartu nahi duten herritarrek izena eman beharko dute aurrez. Horretarako nahiz bestelako informazioa jasotzeko, Azkoitiko anbulatorioko 943-00 76 10 telefono zenbakira deitu beharko dute herritarrek.