Elkargunean matxuratu egin da argiak pizteko eta itzaltzeko erabiltzen duten gailua, eta hori horrela, argirik gabe daude. Atzo, asteartea, 19:00 ingurutik daude egoera horretan han. Elkarguneko arduradunen ustea da Elkargune inguruan izan zen argindar matxura batek eragin zuela argiak pizteko eta itzaltzeko erabiltzen duten gailuaren matxura.
Uneotan, aparatua konponduko duen enpresaren zain daude Elkargunean, haiek zer konponbide ematen dieten jakin ahal izateko. Elkarguneko arduradunen arabera, enpresa "lehenbailehen" saiatuko da arazoa konpontzen, baina oraindik ezin dute egoera bere onera noiz etorriko den aurreikusi.