Elkarguneak eta Azkoitiko Udalak antolatuta, oinarrizko sukaldaritza ikastaroa eskainiko dute Elkargunean. Eneko Etxaniz sukaldari azkoitiarra arduratuko da ikastaroa zuzentzeaz, eta hark, guztira, hamabi saio eskainiko ditu martxoaren 26tik ekainaren 18ra bitartean. Saioak asteazkenero egingo dituzte, 18:00etatik 20:00etara.
Dagoeneko eman daiteke ikastarorako izena. Elkarguneko harrerara joan edota 943-85 25 44 telefono zenbakira deitu beharko dute ikastaroan parte hartzeko interesa duten herritarrek.