Elkarguneak, Azkoitiko Udalarekin lankidetzan, argazkigintzan trebatzeko ikastaroa antolatu du. Hilabeteko iraupena izango duen tailerra eskainiko dute Elkargunean bertan; saioak astearteetan eta ostegunetan eskainiko dituzte, 19:00etatik 20:30era.
Hain justu, reflex argazki kamera digitalen erabileran trebatu ahal izango da ikastaroan. Otsailaren 18an hasiko dira saioak, eta martxoaren 20ra arte luzatuko dira. Izen-emate epea zabalik da dagoeneko, eta interesa dutenek Elkarguneko harreran bertan egin dezakete inskripzioa.
Ikastaroari buruzko informazio gehiago nahi duenak Elkarguneko 943-85 25 44 telefono zenbakira deitu beharko du.