Azkoitiko Musika Bandak kontzertua eskainiko du etzi, igandea, Baztartxo antzokian. 12:30ean hasiko da han emanaldia, eta herritar guztientzako doakoa izango da. Askotariko abestiak eskainiko dituzte herriko antzokian, baina euskal musikari keinu berezia eginez ekingo diote emanaldiari.
Hain zuzen, Cuatro cantos vascos izeneko abesti sortarekin hasiko dute musika bandako kideek emanaldia; Bortian Ahuzki, Aberri Maitiari, Nik baditut eta Berterretxen khantoria abestiak eskainiko dituzte kontzertua hasteko. Abesti horien guztien ondoren, beste bost abesti eskainiko dituzte. Azken abestia, gainera, inauterien atariko bezala eskainiko dute.
Hona hemen igandeko kontzertuko egitaraua:
- Cuatro Cantos Vascos:
- Bortian Ahuzki (Udalaitz)
- Aberri Maitiari (J. Guridi)
- Nik Baditut (A. Donostia)
- Berterretxen Khantoria (Udalaitz)
- 2. Jericho (B. Appermont)
- 3. Lo Cant del Valencià (P. Sosa)
- 4. Ross Roy (J. de Haan)
- 5. La Esperanza de María (A. Blanco)
- 6. Carnaval de Paris (S. Rabe)