Jon Andoni Martin Pegote argazkilari eta artista azkoitiarraren lanen bilduma bat ikus daiteke egunotan Tta-kun tabernan. Artista azkoitiarrak kolodioi hezea eta becquerel dagerrotipoa teknikak erabilita azken urteetan lortu eta egin dituen argazkiak eta lanak erakutsiko ditu Plazaberriko taberna horretan.
Kolodioi hezea teknika erabilita azkoitiarrei bere estudioan egindako zenbait argazki ikus daitezke han, batzuk handiak, eta besteak, txikiak. Era berean, herriko hainbat eraikin eta txoko ezagunen irudiak ere ikus daitezke Tta-kunen; azken horiek becquerel dagerrotipoa izeneko teknikarekin ondutakoak dira.