Montserrat Roigek idatzitako eta Amaia Apalauzak euskaratutako Gerezi-denbora narrazio liburuari buruz hitz egingo du Azkoitiko Irakurle Taldeak urte berriko aurreneko saioan. Datorren asteartean, hilaren 28an, egingo dute 2025ko lehen saioa Elkarguneko Oteiza aretoan, 19:00etan hasita.
Natalia Miralpeix da narrazio liburuko protagonista. Frantzian eta Ingalaterran hamabi urtez biri eta gero, hura Bartzelonara itzuliko da 1974an. Astebete besterik ez da igaroko istorioa hasi eta bukatzen den arte, eta, tarte horretan, Nataliak aurrez aurre izanen ditu bere familiaren iragana eta oraina, borborka ari den hiri batean, iraultza sexual eta politiko bete-betean, Francoren heriotza hurbil dela. Familia kronika bat erakusten du liburuak, emakumeen ahotsak gidari, aldatzen ari den gizarte baten iraganaz, orainaz eta geroaz gogoeta egiteko gonbita eginez.