Berrogeita hamar ekitaldi baino gehiago egin dituzte amaitu berri den urtean Azkoitian, herriak hiribildu izaera hartu zueneko zazpigarren mendeurrena ospatzeko, eta joan zen larunbatean, ekitaldi berezi batekin eman zioten amaiera efemerideari. Iosu Arrizabalaga Izer-ek eta Xabier Euzkitzek sortu duten 700 eta aurrera! abestia aurkeztu zuten herritarren aurrean, trikiti doinuz lagunduta, eta udaletxeko balkoian urtebetean piztuta egon den Azkoitia 700 irudia itzali zuten. Era berean, udal ordezkariak, Azkoitia 700 batzordeko kideak eta lehenengo hauteskunde demokratikoetatik gaur arte izan diren alkateak elkartu ziren udaletxean. Ekitaldiak eman zuena ikus daiteke honako bideo honetan.
Azkoitiaren 700. urteurreneko ospakizunen itxiera ekitaldia, bideoan ikusgai
Zapatu iluntzean bukatu zituzten Azkoitiaren 700. urteurreneko ospakizunak, udaletxean hasi eta plazan bukatu zuten ekitaldi berezi batekin. Iosu Arrizabalaga Izer-ek eta Xabier Euzkitzek sortu duten 700 eta aurrera! abestia aurkeztuta eman zien amaiera mendeurrenari.
Erlazionatuak
Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide