Etzi, astelehena, urteko lehen odol ateraldiak egingo dituzte Elkarguneko Herri Plaza aretoan, 16:30etik 20:30era bitartean. Ohiko odol emaileek honezkero hitzartuta dute astelehenerako hitzordua, baina odola ematen hasi nahi dutenek edo informazio gehiago nahi dutenek 610 11 21 45 telefono zenbakira deitu behar dute.
Odol erreserba mailak baxu daudela eta, dei berezia egin du Azkoitiko Odol Emaileen Elkarteak. Herritarrei datorren asteleheneko nahiz hurrengo odol ateraldietan parte hartzeko eskatu diete. Izan ere, O+, O-, A+, A- eta B- odol taldeetako erreserbak maila oso baxuan daude. Aldiz, erreserbak erdi beteta daude AB+ eta AB- odol taldeetan, eta egoera onean dago B+ odol taldekoa.
2025eko hitzorduak, zehaztuta
Urtarrileko odol ateraldiaren dataz gain, 2025. urteko egutegia ere jakinarazi du Azkoitiko Odol Emaileen Elkarteak. Eskerrak emanez, hainbat urtez odola eman duten herriko 50 odol emaile omendu zituzten abendu amaieran Elkargunean, odola eman ohi duten gune berean.
Hala eta guztiz ere, odola biltzen jarraitu nahi dute, odol mailen erreserbak betetzeko, eta hilabetez hilabete izango diren odol ateraldien egunak eta orduak jakinarazi dituzte. Hona hemen 2025eko zerrenda:
- Urtarrilaren 13an, 16:30etik 20:30era.
- Otsailaren 3an, 16:30etik 20:30era.
- Otsailaren 24an, 16:30etik 20:30era.
- Martxoaren 17an, 16:30etik 20:30era.
- Apirilaren 7an, 09:30etik 13:30era eta 16:30etik 20:30era.
- Apirilaren 28an, 16:30etik 20:30era.
- Maiatzaren 19an, 16:30etik 20:30era.
- Ekainaren 9an, 09:30etik 13:30era eta 16:30etik 20:30era.
- Ekainaren 30ean, 16:30etik 20:30era.
- Uztailaren 21ean, 16:30etik 20:30era.
- Abuztuaren 11n, 16:30etik 20:30era.
- Irailaren 1ean, 16:30etik 20:30era.
- Irailaren 22an, 09:30etik 13:30era eta 16:30etik 20:30era.
- Urriaren 13an, 16:30etik 20:30era.
- Azaroaren 3an, 16:30etik 20:30era.
- Azaroaren 24an, 16:30etik 20:30era.
- Abenduaren 15ean, 09:30etik 13:30era eta 16:30etik 20:30era.