Urtea ezin hobeto hasi dute Oteiza pilota elkarteko kirolariek. Izan ere, Julen Etxanizek eta Mikel Aranbarrik txapel bana eskuratu dute XI. Ogi Berri-Miguel Soroa txapelketan. Etxaniz jubenilen mailan lehiatu da Lazkaoko Lapke elkarteko Figueroarekin bikotea osatuta, eta 18-15 irabazi diote parez pare izan duten bi iruntzundarrez osatutako bikoteari. Promesa mailan lehiatu da, berriz, Aranbarri Iruñeko Oberena elkarteko Balerdirekin bikotea osatuta. Lapkeko bi kidek osatutako bikotea izan dute aurrez aurre, eta 22-14 irabaztea lortu dute. Horrenbestez, bi azkoitiarrak txapel banarekin bueltatu dira etxera.
Etxanizek eta Aranbarrik XI. Miguel Soroa txapelketa irabazi dute
Etxaniz jubenilen mailan lehiatu da Lazkaoko batekin bikotea osatuta, eta promesen mailan jokatu du Aranbarrik, iruñear bat alboan zuela.
Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide