Udazkeneko Occident Tenis Txapelketaren hiru mailetako finalak jokatu zituzten atzo Txerloiako Muguruza pistan,, Txerloia tenis klubak antolatuta.
Urre mailako finala Jon Orbegozo azpeitiar tenislariak irabazi zuen Aitor Magallanesen kontra 6-3 eta 6-1 eginda.
Zilarrean, Aitor Etxarte izan zen garaile Hodei Ulaziaren aurka 6-3 eta 6-0 eginda.
Brontzean nesketan Naia Aranbarrik irabazi zuen June Ulaziaren kontrako finala, 6-2 eta 6-4 eginda. Muteletan, berriz, Aritz Albizurirentzat izan zen garaipena, aurkariak ezin izan zuelako finala jokatu.