Datozen egunetan hasiko da Azkoitia Guka bazkideei 2025ko lehen aldizkaria etxez etxe banatzen. Urtarrileko zenbakian askotariko edukiak landu ditu komunikazio taldeak, eta tartean, Andrea Pozori egindako elkarrizketa zentrala. Ikerlaria da, eta gaur egun 65 urtetik gorako pertsonen ongizatea helburu hartuta, zenbait proiektutan murgilduta dabil, adinekoei balioa emateko lanean.
Aldizkariaren aurrerapen bideoa da honako hau.
Matia Institutuan lan egiten du Andrea Pozok azkoitiarrak, eta hari egindako elkarrizketa luzea irakurtzeko aukera izango dute Azkoitia Gukako bazkideek urtarrileko aldizkarian. 65 urtetik gorako pertsonen ongizatea helburu hartuta, zenbait proiektutan murgilduta dabil azkoitiarra, adinekoei balioa emateko xedez.