Euskal Ligako nahiz Gizonezkoen Erregional Ohorezko Mailako Anaitasunaren lehen bi taldeek larunbatean jokatu zituzten azken bi jardunaldiak. Neskek Getxoko Bolue (Bizkaia) futbol zelaian izan zuten norgehiagoka Bizkaneskak taldearen kontra, eta 0-1 irabazita etxeratu ziren. Atsedenera irabazten iritsi ziren Anaitasunakoak; izan ere, 23. minutuan Arethak gola sartu zuen.
Loren Barbadok zuzentzen duen Anaitasunako mutilen taldeak ere emaitza bikaina lortu du asteburuan, Mutrikuri 3-0 irabazita. Larunbat goizean jokatu zuten partida, Txerloian. Lehen gola Pastrik sartu zuen lehen zatian, eta atsedenera 1-0 iritsi ziren. Bigarren zatian, berriz, 67. minutuan Xabik aurkarien atean baloia sartzea lortu zuen, eta hirugarren gola, 80. minutuan egin zuen Oihanek.
Urtarrilaren 12ko asteburura arte denboraldiko beste jardunaldirik ez dute jokatuko Anaitasunaren bi talde nagusiek.