Azkoitiko Parrokiako taldeak eguerdian inauguratu du aurtengo Gabonetarako prestatu duen jaiotza. 11:00etan familia meza egin dute aurrena parrokian, eta 12:00etan, umeen laguntzarekin, jaiotza aurkeztu dute.
Gabonek iraun bitartean herritar orok izango du jaiotza bisitatzeko aukera Andre Mariaren Jasokundeko parrokian. Astelehenetik larunbatera, 10:00etatik 12:30era zein 17:00etatik 19:00etara zabalduko dute parrokia, eta igandeetan, 12:00etatik 14:00etara nahiz 17:00etatik 19:00etara.
