Arrasateko (Gipuzkoa) Mondragon futbol taldeak Xuban Epelde entrenatzaile azkoitiarra kargugabetu du. Goiena hedabideak jakinarazi duenez, Epeldek ez du aurrerantzean Gipuzkoako Ohorezko Erregional Mailako talde hori zuzentzen jarraituko.
Azken asteburuan, Oñatiko (Gipuzkoa) Aloña Mendiren aurka 8 eta 3 galdu zuen Epelderen taldeak. Dena den, Arrasatekoen ordura arteko emaitzak ere ez ziren onak; hamabi partidatan 11 puntu batu ditu —hiru garaipen, berdinketa bat eta bederatzi porrot—, eta hori horrela, sailkapenean ere jaitsiera postuetan aurkitzen da gaur-gaurkoz.
Egoera ikusita, hartu du Epelde kargugabetzeko erabakia Arrasateko futbol taldeak. Orain, Jorge Davilak hartuko du azkoitiarraren lekukoa.