59. Durangoko Azokara joateko eta handik itzultzeko autobusa prestatu du Azkoitiko Euskara Mahaiak, udalaren babesarekin. Abenduaren 5etik 8ra bitartean egingo dute euskal liburu eta disko azoka, eta Euskara Mahaiak hilaren 7rako, larunbaterako, antolatu du autobusa: 10:00etan abiatuko dira Durangora Julio Urkixo kaleko autobus geltokitik, eta hara joaten direnek 20:00etan izango dute bueltatzeko ordua.
Autobus zerbitzua erabiltzeko abenduaren 3ra bitartean eman daiteke izena, maxixatzen@maxixatzen.eus helbide elektronikora edo 675 85 71 11 telefono zenbakira mezua idatzita. Sei euro ordaindu beharko da.