Herrixen merkatari elkarteak lankidetzarako hitzarmena sinatu du udalarekin, eta akordioari esker, elkarteak 31.000 euroko diru laguntza jasoko du herriko merkataritzaren alde lanean jarraitzeko. Udalaren esanetan, hitzarmenaren helburu nagusia da saltoki txikien lehiakortasuna areagotzea, merkataritzarako jarduerak garatzeko "baldintzak hobetuz", saltokiak teknologia berrietara zein digitalizaziora egokituz, langileak prestatuz eta kontsumitzaileak sentsibilizatzeko kanpainak garatuz. Hain zuzen, hitzarmenak bost ildo estrategiko barnebiltzen ditu: merkataritza kudeaketa, hirigintza, prestakuntza, elkartegintza eta sustapena.