Ttipi-Ttapako kideak dortsalak banatzen ari ziren bitartean, haurrek jolas inklusiboetan aritu dira goizean plazan, Marea Urdinaren eskutik. Gurpil aulkien gainean zein makuluekin aritu dira jolasetan parte hartu duten umeek, eta beste zenbait txapak egiten ere egon dira Kontzejupean. Arratsalderako giroa berotze aldera prestatu dituzte antolatzaileek jolasak, orduan egingo dutelako bat herritarrek. Izan ere, atletismo taldeak bosgarrenez antolatu du Lasterketa Solidarioa, eta aurten, jasotako dirua Ademgik esklerosi anizkoitza duten pertsonen elkarteari emango dio. Haurren lasterketa 17:00etan hasiko da plazan, eta helduena, 18:00etan.