Iragarri dute Holz Und Blech jaialdiaren datorren urteko data. Maiatzeko lehen egunetan egingo dute 2025ean Zuhaitz Urain Zizu zena oroitzea eta omentzea xede duen musika elektronikoaren jaialdia. Hain zuzen, maiatzaren 1etik 3ra bitartean, ostegunetik larunbatera, egingo dute datorren urtean festa.
Bederatzigarren aldiz antolatu dute Zizu zenaren ingurukoek eta lagunek jaia, eta ohi bezala, hemengo nahiz atzerriko musika jartzaile ezagunek girotuko dute herria egun horietan. Dena den, antolatzaileek data besterik ez dute iragarri; gaur-gaurkoz, ez dute jaialdiari buruzko informazio gehiago eman. Egunek, asteek eta hilabeteek aurrera egin ahala, informazio gehiago jakinaraziko dute.