Orion ehiza eta arrantza elkarteko Aimar Ansola, Julen Amado eta Joanes Karrera azkoitiarrek euli salmonido gazteen arrantzako Espainiako txapelketan parte hartu zuten joan den irailaren 5etik 8ra bitartean. Palentziako Carrion ibaian aritu ziren lehian hirurak, euskal selekzioa ordezkatuz.
Bakarka egindako lanean emaitza onak lortu zituzten azkoitiarrek: Aimar Ansola 5. sailkatua izan zen, orotara 6.915 puntu eskuratuta; Joanes Karrerak 8. postua lortu zuen, 5.755 punturekin; eta Julen Amado 22. sailkatua izan zen, 3.230 punturekin.
Ansola, Karrera eta Amadorekin batera, beste hiru euskaldunek osatu zuten euskal selekzioaren taldea Espainiako lehian. Hain zuzen, bigarren postua eskuratu zuten horiek taldeka, euskal selekzioaren izenean, orotara 21.820 puntu lortuta. Galiziako taldea izan zen txapelketako irabazlea, 30.865 puntu eskuratuta.