Gaurtik irailaren 13ra EPA-HHI Helduen Hezkuntza Iraunkorreko zentroetan 2024-2025 ikasturterako izena emateko aukera dute berriro Urola Kosta eskualdeko herritarrek.
Izena egoitzan bertan edo telefonoz eman daiteke, 10:00etatik 13:00etara. Azkoitian, San Martingo Bizenta Mogel kaleko 6. zenbakian dago helduen eskola. Telefonoz harremanetan jartzeko, berriz, 943-85 03 99 da zenbakia.
Alfabetatzeko, DBHko titulua eskuratzeko zein euskara, gaztelania eta ingelesa ikasteko eskolak emango dituzte 2024-2025 ikasturtean ere helduentzako eskolan.