Isilune Zirkulua osatzen duten bost elkarteek —Palestina, Sahara, Marea Urdin, Loiolako lagundia eta Azkoitiko parrokia — ikasturteko azken elkarretaratzea egin zuten atzo, "udazkenean berriro indarberrituta itzultzeko".
Ohi bezala, 19:00etan elkartu ziren herriko plazan, baina elkarretaratze "berezia" egin zuten atzokoan, abestiek, olerkiek, bertsoek eta askotariko mezuek osatu baitzuten atzoko bilkura. Horien ostean, herriko plazari zenbait itzuli eman zizkioten elkarretaratzean parte hartu zutenek, "giza eskubideen urraketak" salatuz eta "gizatasuna plazara" ateraz. Ordubeteko ekimen betearen ostean, luntx batekin eman zioten amaiera ikasturteko azken Isilune Zirkuluari.