Kitziki taldeak kontzertua eskainiko du datorren larunbatean, uztailaren 6an, Balda plazan. 20:00etan hasiko da doako emanaldia, eta taldeak euskal kanta ezagunen bertsioak eskainiko dituzte jendaurrean.
Azkoitiko, Elgoibarko, eta Bergarako (Gipuzkoa) sei neska gaztek osatzen dute taldea: Itxaso Alberdi azkoitiarrak, Maialen Arriolak, Maddi Arrietak, Nahia Carrillok, Enara Mujikak eta Olatz Makazagak. Sei musikariek bateria, biolina, gitarra, baxua, teklatua, saxofoia eta ahotsa uztartu dituzte euskal kanta ezagunen bertsioak egin eta publikoa dantzan jartzeko.