Floreaga ikastetxeko eta Xabier Munibe ikastolako LH5. eta LH6. mailako ikasleak eta Bizilore eskolako LH4ko, LH5eko eta LH6ko ikasleak Baztartxo antzokian izan dira goizean, Gu ere bertsotan proiektuaren ikasturte amaierako bertso jaialdian. Naia Arrizabalaga eta Eneko Beretxinaga bertsolaritza irakasleak aritu dira bertsotan, eta ikasleetako batzuk gai jartzaile lanetan aritu dira, txandaka. Horretaz gain, ikasleek eserlekuetatik zenbait ariketa osatzen lagundu diete Arrizabalagari eta Beretxinagari. Giro paregabean amaitu dute Gu ere bertsotaneko ikasturtea.