Azkoitiko Plaza Ondo jubilatuen elkarteak Iruñeko sanferminetara joateko irteera antolatu du uztailaren 9rako. Asteartez egingo dute azkoitiarrek bidaia Iruñera, Aizkibel liburutegiaren alboko autobus geralekutik 09:00etan abiatuta.
Bihar, asteartea, zabalduko du jubilatuen elkarteak bidaia egin ahal izateko izen-ematea, eta uztailaren 5ean, ostiralez, itxiko dute horretarako epea. Plaza Ondoko bazkideek nahiz ez direnek izango dute bidaia egiteko parada; 42 euro ordaindu beharko dute bidaia bazkideek, eta 48 euro bazkide ez direnek. Elkarteko arduradunek jakinarazi dute, Iruñera egingo duten bidaian ez dutela hamarretakorik eskainiko, baina bai bazkaria; 14:00etan egingo dute otordua.