Bihar, asteazkena, Zubiberri gimnastika erritmiko taldeko kideek ikasturte amaierako jaialdia eskainiko dute Elkargunean. 18:30ean hasiko da ikuskizuna, eta denboraldi honetan taldean arituko diren gimnastek parte hartuko du, haurretatik hasi eta helduetara arte. Askotariko ariketak eskainiko dituzte kiroldegiko kantxa nagusian.
Gimnastak uztaiarekin, mazoekin eta zintekin ikusteko aukera izango da bihar arratsaldean, banaka zein taldeka. Emanaldian aurkeztuko dituzte ikasturte guztian ikasitako eta landutako lanak. Dena den, biharko ikuskizunerako bereziki prestatutako dantzez eta koreografiez ere gozatu ahal izango dute bertaratutakoek.