Baratzeko hondar organikoak indibidualki nola konpostatu jakiteko tailerra prestatu dute Azkoitiko Udalak, Kimubatek eta Kutxa Fundazioak elkarlanean. Datorren astelehenean, ekainaren 3an, izango da saioa Azkoitiko Baratze parkean, 18:00etatik 19:30era artean, eta baratzeetako erabiltzaileek ez ezik, edozein herritarrek parte hartu ahal izango du.
Era berean, Furgobaratza zerbitzua ere eskainiko dute, bertaratzen direnei baratzeko gaien inguruan aholkularitza eskaintzeko.